Ejnar Mikkelsen - asasaq isorisarluunniit
Nanna Ánike Nikolajsenip Kalaallit Nunaannut namminerlu kingoqqiffigisaminut angalaneranik pisumit eqqumiitsuliorneq pillugu piviusulersaarummik taaneqarsinnaasumik oqaluttuartumik filmimik kinguneqarpoq.
Filmi "Niuertoqarfik Scoresbysund qitornaraara" ippassaq katersugaasivimmi Museet for Samtidskunst-mi Roskildemiittumi kulturfestivalimut Inuit Nu-mut ilaatinneqarluni takutinneqarpoq.
Nanna Ánike Nikolajsenip tunumut angalanermini niuertuusimasup Ejnar Mikkelsenip assinga pappiaqqamik qeratasuumik sanaaq nassarsimavaa.
Filmi inunnik apersuinernik imaqarpoq ilaatigut inunnik Ejnar Mikkelsenimik ilisarisimannissimasunik, eqqumiitsuliortullu inuit nammineq eqqaamasalersaarutaannut atatillugu siumut takorluuisinnaaneranik ersersitsinerulluni - naak ilumoortoq uani nassaarineqanngikkaluartoq.
Aammattaaq Ejnar Mikkelsen pillugu filmiliap saniatigut Ivalo Frankip filmiliaa Echoes kiisalu Nuummioq takutinneqarput.
Eqqumiitsuliat Jessie Kleemannmit Julie Edel Hardenbergimillu suliarineqartut aamma takutinneqarput. Taakkulu saniatigut Lu Berthelsen aamma Nuka Bisgaard arnatut atisalersorlutik Museet for Samtidskunst-imi takutitsipput.