DSB-mi pisortatut soraarsitap TELE Greenland sullarinnerulersinniarpaa
Søren Eriksen Tele Greenlandimi pisortaanertut aasaru atorfinissaaq.
Taanna ukiut kingulliit qulit DSB-imi aningaasaqarneq sulisoqarnerlu pillugit pisortatut atorfeqarpoq. TELE Greenlandimi pisortaaninngortussap suut imaluunniit suna pissutigalugu TELE Greenlandimi pisortanngornissaminut tunngavilersuutigisani ilaatigut imatut oqaluttuarai.
Suliffeqarfimmit sulisunik piukkunartunik nalunaarsuisarfimmit, Headhunterimit attavigineqarsimalluni Søren Eriksen radiaoviisimut oqaluttuarpoq.
Headhunterinit saaffiginnittoqarsimanngitsuuppat, TELE Greenlandimi pisortatut atorfik eqqarsaatigisimassanngikkaluarpara, Søren Eriksen oqaluttuarpoq.
Søren Eriksen ukiup ataatsip matuma siornatigut DSB-imi pisortatut soraarsinneqarpoq, DSB-imi naatsorsuutit tukappallaarnerat naalagaaffiup kukkunersuisartuinit isornartorsiorneqareersullu.
Naalagaaffiup tapiissutaanik unioqqutitsisumik atuisoqarsimaneranik Søren Eriksen pasineqaraluarpoq, pinngitsuutinneqarlunili.
Søren Eriksen DSB-mit soraarsinneqarnerata persuarsiutigineqarnera qaangiuppoq, maannalu pisinnaasani tamaat sulilernissaminut piareerluni oqarpoq.
Søren Eriksen DSB-imit soraarsinneqarnerata persuarsiutaanera qaanngiuppoq, maannalu pisinnaasani tamaat atorlugu sulilernissaminut piareerluni oqarpoq.
Søren Eriksen TELE Greenlandimi pisortaanertut ilisaritissallugu TELE Greenlandimit iluarisimaarneqarpoq.
Pisortaanertut atorfiup inuttalerneqarnisaanut suliffeqarfiup TELE Greenlandip ineriartorteqqinneqarnissaanut iluaqutaasinnaanera TELE Greenlandip siulersuisuinit pingaartinneqarpoq, suliffeqarfiup namminersortunngorsartinneqarnissaata aallartisarneqarnissaanut piareersimassammat, TELE Greenlandimik atuisut piginneqataassutinillu pigisaqartut annertunerujartuinnartumik piumasaqarnerat ilutigalugu TELE Greenlandimi siulersuisut siulittaasuat Agner N. Mark oqarpoq.
TELE Greenland Namminersorlutik Oqartussat 100 procentimik pigisaraat.
Brian Buus Pedersen siorna Tele Greenlandimit pisortaanertut tunuartoq, 43-inik ukiulimmit Søren Eriksenimit taaserneqassaaq.
