Dronningi naloraarluni tikippoq

- Dronningi atallaarsualerluni niugami tupaallaatigeqaarput, Qaanaami innuttaasunik sullissisut ittuat, Ole Mathiesen, kunngikkormiut tikeraarneranni Qaanaami qaaqqusisut ilaat taama oqarpoq.

Soorliaasinuna Dronning atallaarsualerluni niusoq?

Dronningip Qaanaamut tikinnissaanut sissami tulaffissaanik Qaanaarmiut sanasimagaluarput, Dronning iluamik pisarnertut tikilluaqquneqarniassammat. Inuinnaalli akiorsinnaanngisaannik pisoqarpoq.

- Tulaffissaat sikuarsussuarnik iluliaararsuarnik ulikkaarami, niulermat ilisarileratsigu Dronningi, atallaarsualerluni niungami tuppaallaatigeqaarput, imaanut aqqarluni naloraarluni timmut aallarmat, Ole Mathiesen oqarpoq.

Qaanaarmiut tikeraarnissaannik akornutaasinnaasut soqutiginagit Dronninngerput naloraaluni Qaanaamut tikippoq, kikkunnit tamanit nuannaarutigineqaqaluni. Uiali pitsorlukkami umiarsuarmiiginnarpoq.

Kunngikkormiut Siorapalummiit tikinnissaat kinguaattoormat Qaanaami tikeraarnissaat nalunaaquttap akunnerini sisamani pisussaagaluartoq sivikillineqartariaqarsimavoq. Tamannali aamma Qaanaarminit naammagineqaannarpoq, tassami qanoq allatut ilortoqarsinnaammat?

- Pissutsit taama ajortigigaluartut maani pissutsit najoqqutaralugit iliormata assorujussuaq innuttaasunit nuannaarutigineqarpoq, Ole Mathiesen oqarpoq.