Dronningi coronavirus pillugu ullumi nalunaaqutaq 16 oqalugiassasoq
Dronningip oqalugiarnera KNR-ikkut nunatta nalunaaqutaa naapertorlugu nalunaaqutaq 16 aallakaatinneqassaaq.
Dronningip innuttaasut coronavirusip siaruuaanneranut pissutsit ilungersunartut pillugit oqalugiarfiginiarai, kunngikkormiut paasissutissiipput.
Dronningip oqalugiarneq Fredensbors Slotimi danskit nalunaaqutaat naapertorlugu ualeru immiunneqassaaq.
Oqalugiarneralu KNR-ikkut nunatta nalunaaqutaa naapertorlugu sisamanut aallakaatinneqassalluni.
AAMMA ATUARUK Tamaat isigalugu: Coronavirus pillugu killiffik
Coronavirus Kinami 2019-ip naanerani paasineqarpoq, sapaatinilu akunnerni kingullerni Danmarkii siaruaatipiloorluni.
Danmarkimi inuit 960-it tunillatsissimasut marlunngornermi unnukkut nalunaarsorneqarput. Taakkunannga 82-it peruluttut inaanni uninngapput. Tunillatsissimasut amerlanerusinnaasut danskit peqqinnissamut ministeriata, Magnus Heunickep siusinnerusukkut paasissutissiissutigaa.
Coronavirusimik tunillatsissimasoq nunatsinni ataasiinnaagallarpoq, Savalimmiunilu marlunngornermi 47-llutik.
