Dronning Margrethe Islandimut tikeraalersoq
Dronningi Islandimiinnermini assigiinngitsunut pulaassaaq.
Islandip erfalasuata pilersinneqarnerata oqaluttuarsartaa pillugu saqqummersitsineq pulaagassaasa siullersarissavaat.
Tamatuma kingorna Islandimi naalakkersuisut qaaqqusissapput, Islandip Danmarkillu naalagaaffeqatigiikkunnaarnerisa decembarip aallaqqaataani 1918-imi nalunaarutigineqarnera pillugu naalakkersuisoqarfimmi Lærkjargatami nalliuttorsiorpalaartumik katerisimaartoqassalluni.
Dronningip tikeraarnera naggaserlugu Islandimi illoqarfiit pingaarnersaanni Reykjavikkimi operartarfimmi Harpami nalliuttorsiornermut atatillugu isiginnaartitsisoqassaaq.
AAMMA ATUARUK Dronning Margrethe isimigut querteqarnini pissutigalugu suliaritittoq
Island Danmarkilu 1918-imi decembarip aallaqqaataani naalagaaffeqatigiikkunnaarput Islandilu kunngitsuuffinngorpoq.
Danmarkili Islandilu ukiuni tullerni 25-ni kattuffeqarput, Islandip nunanut allanut politikkia Danmarkimit isumagineqarluni.
