Dronning Ingridip Napparsimmavissua nakorsartaaqqippoq

Najannguaq Jørgensen 31-nik ukiulik Aarhusimi ukiut arfineq-pingasut affarlu ilinniareerluni angerlalerpoq.
Assi © : Tage Lindegaard
Allattoq Merete Lindstrøm
juulip 09-at 2018 13:05

Nakorsaq inuusuttoq ilinniarnermi ingerlanerani aamma ernertaarpoq taanna maanna marlunnik ukioqarpoq.Angerlarnissamullu aalajangerneq pingaaruteqarsimasoq oqaatigaa.

- Kalaallit Nunaannut nuunngiinnarnissara eqqarsaatigileraluarpara erneqarama marlunnik ukiulimmik, kisimiillunga ernera. Taavalu ulluinnarni meeqqerivimmiinnissaa assut pisariaqartillugu taava meeqqerivinni inissaqarnissaata qulakkeersinnaannginnera pillugu uternissara nangaassutigileraluarpara. Qaammat siulleq ikinnguteqarsimanngikkaluaruma sulisimasinnaanngikkaluarpunga, Najannguaq Jørgensen oqarpoq.

Taamaakkaluartoq nunatsinnut angerlarnissamut pingaaruteqarnerusut naleqarnerusimapput.

 - Kalaallit Nunaanni najugaqartussaagama, Kalaallit Nunaanni peroriartorama. Taavalu uannut pingaaruteqarluni ernerma misigissagaa Kalaallit Nunaat peroriartorfigalugu.

KNR-ip Najannguaq Jørgensen Dronning Ingridip Napparsimmavissuani sulilereersoq oqaluuppaa, taassumali siunissami qanoq imaqarumaarnera suli nalullugu oqaatigaa.

- Suli nalunalaarpoq sunngussanerlunga. Massakkut misilittagassakkalu ukiuni aggersuni amerlalaaramik, taava taakkua misilittareerukkit paasinarsiumaarpoq, Najannguaq Jørgensen oqarpoq.

Aamma atuaruk