Dronning Elizabethip Tuluit Nunaata EU-mit aninissaa akuerigaa

Tuluit EU-mit sapaatip akunnerata tulliani aninissaannut qulakkiigassat allat marluk qulakkeerneqarput.

Dronning Elizabethip tuluit EU-mit aninissaat pillugu inatsit pisortatigoortumik akuerisimagaa, Tuluit Nunaata EU-mit aninissaa pillugu ministerip, Stephen Barclayp, nalunaarutigaa.

Dronning Elizabethip inatsit akuerisaa Tuluit Nunaata EU-mit januaarip ulluisa 31-anni aninissaanut tunngaviussaaq.

AAMMA ATUARUK Boris Johnsonip dronningertik oqaloqatigereermagu qineqqusaarneq aallarnerpaa

Dronning Elisabethip ileqquusumik akuersinissaa piumasaqaataavoq. Tamannalu tuluit naalakkersuisuisa tuluit EU-mit aninissaat pillugu isumaqatigiissut inaarutaasumik pingasunngornermi akuerereeraallu pivoq.

EU-mili inatsisartut inaarutaasumik sapaatip akunnerata tulliani akuersinissaat amigaataaginnalerpoq.

Isumaqatigiissut nunanit EU-mi ilaasortanit sapaatip akunnerata tulliata naanerani pisortatigoortumik aamma akuerineqassaaq.