Boris Johnsonip dronningertik oqaloqatigereermagu qineqqusaarneq aallarnerpaa
Tuluit ministeriunerata, Boris Johnsonip, tuluit inatsisartuisa atorunnaarsinneqarnissaannut akuersissummik pisortatigoortumik tunineqarnissi qulakkeerumallugu dronning Elisabeth ullumikkut pingasunngornermi oqaloqatigaa.
Tamanna tuluit decembarip ulluisa aqqaneq-aappaanni inatsisartunut qinersisussanngornerannut qineqqusaarnerup pisortatigoortumik aallarnerneqarneranut ersersitsivoq.
AAMMA ATUARUK Britiske aviser: Parlamentsvalg bliver historisk afgørende
Johnsonip tuluit EU-mit aninissaat pillugu inaarutaasumik isumaqatigiittoqarnissaanik qulakkeerinninnissi qineqqusaarneq aallarnerneqarmat neriorsuutigaa, taannalu isumaqarpoq partiip illuatungerisaata Labourip qulakkeersinnaanngikkaa.
Tuluit juullilernerani qinersisussanngorput, kingullermillu ukiut hunnorujungajaat matuma siorna juullilernerani qinersipput. Tamannalu tuluit inatsisartuisa amerlanerussuteqartut tuluit EU-mit aninissaat pillugu politikkikkut ukiuni pingasuni avissaartuunnerit uninniassammata inatsisartunut qinersisoqarnissaanut isumaqatigiipput.
Tuluit EU-mit aninissaat qineqqusaarnermi kisiat ukkatarineqanngilaq. Peqqinnissaqarfik pingaarnertut aamma sammineqartussaassaaq.
- Qinersisoqarnissaa kissaatiginngilara. Ministeriunerup kialuunniit piffissaanngitsumi - ingammik decembarimi - qinersisoqarnissaa kissaatigisanngilaa, Johnson aviisimut Daily Telegraphimut ilanngutassiami allappoq.
- Ajoraluartumilli allatut iliorsinnaanngilagut. Tuluimmi EU-mit aninissaat pillugu sapaatit-akunnerini aggersuni inaarutaasumik isumaqatigiissusiunngikkutta innuttaasut pingaartitaannik ukkassilersinnaanngilavut.
AAMMA ATUARUK Boris Johnson decembarimi nutaamik qinersititsiniartoq
Johnsonip dronning Elisabeth oqaloqatigereermagu qineqqusaarnerup pisortatigoortumik aallarnerneqarnera nalunaarutigiartorlugu Downing Streetimi najukkaminut uterpoq.
Isumasiuinerni erserpoq, Johnsonip partiia konservativiusoq Labourimit siuarsimalluinnartoq, qinersinermulli immikkut ilisimatusarsimasut oqaatigaat qinersisartut isumaat allanngorarlutillu sunnertiasut.
Johnsonip siulia, Theresa May, kingullermik qinersinermi 2017-imi pisumi ajugaarujussuarpoq, tupaallaatigineqaqisumilli tuluit inatsisartuisa amerlanerussuteqartut toqqanngilaat.