- Arnanumi isumaqarpugut sapiitsuliortut atorfissaqartinneqartut. Dorthe Hegelund Kjeldsenilu sapiitsuliortuuvoq. Uini peqatigalugu Sullualukkoornissani pimooruppaa eqquutsillugulu. Arnaavoq sapiissusilik, maligassiuisoq, sinnattunilu piviusunngortippaa, Martine Lind Krebs, Arnanumi aaqqissuisoq oqarpoq.Assi: Leiff Josefsen/Arnanut

Dorthe Hegelund Kjeldsen 2019-imi Arnatsialattut toqqagaasoq

2019-imi Arnatsialattut toqqagaasoq kalaallit arnartaasa akornanni siullersaalluni Sullualukkoortuuvoq. Arnaavoq sapiissusilik maligassiuisoq, Arnanut taama allappoq.

Arnatsialak 2019 tassaavoq sapiitsuliortoq. Sapiitsuliortorlu tassaavoq Dorthe Hegelund Kjeldsen.

Atuagassiaq Arnanut taama allaaserisaqarpoq. 13-issaa Arnatsialammik toqqaasoqarpoq.

Arnatsialattut siornatigut toqqakkat

Britta Nielsen, 2004
Amalie Jessen, 2005
Grethe Kramer Berthelsen, 2006
Aviaja Rohmann Pedersen, 2007
Nivi Olsen, 2008
Ella Kleist, 2009
Martha Olsen Adelholm, 2010
Dorthie Friis Lyberth, 2011
Birte Kielsen, 2015
Elise Bruun, 2016
Ane Marie Møller Andersen, 2017
Ida Heinrich, 2018

Dorthe Hegelund Kjeldsen uini Jens Erik Kjeldsen peqatigalugu tissiartaat atorlugu Sullualukkoorsimasutut ilaatigut ilisimaneqarpoq.

AAMMA ATUARUK  Takorluukkavut piviusunngorput

Dorthe Hegelund Kjeldsen kalaallit arnartaasa akornanni siullersaalluni Sullualukkoortuuvoq, angalanerallu inuppassuit tusagassiutitigut malinnaavigaat.

Takorluukkanik piviusunngortitsinissamut maligassiuisoq

- Arnanumi isumaqarpugut sapiitsuliortut atorfissaqartinneqartut. Dorthe Hegelund Kjeldsenilu sapiitsuliortuuvoq. Uini peqatigalugu Sullualukkoornissani pimooruppaa eqquutsillugulu. Arnaavoq sapiissusilik, maligassiuisoq, takorluukkanilu piviusunngortippaa, Martine Lind Krebs, Arnanumi aaqqissuisoq oqarpoq.

AAMMA ATUARUK Uummannarmiu 2017-imi Arnatsialattut toqqarneqarpoq

Arnatsialammut innersuussinerit 45-simapput, taakkunannga pingasut Dorthe Hegelund Kjeldsenimik innersuussinerusimallutik.

Operamik erinarsortartoq Ida Heinrich, Arnatsialattut 2018-imi toqqagaavoq.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl