Kjeldsenikkut umiartorlutik nunarsuarmik kaajallaanertik pillugu: Takorluukkavut piviusunngorput

Aappariit Kjeldsenikkut umiartorlutik nunarsuarmik kaajallaanertik arfininngormat naammassivaat.

Dorthe aamma Jens Kjeldsen ukioq ataaseq umiartorlutik nunarsuarmik kaajallaanertik naammassillugu Paamiunut arfininngormat tikipput. Aappariit takorloortuarsimasaat taamaalilluni eqquuppoq.

- Nunarsuarmik kaajallaanissamik takorluugaqarnerput eqquutsipparput. Aarhusimi 1978-imi naapikkattali piffissanngormat angalanissarput pilersaarutigereerparput, aamma nunarsuaq kaajallakkusupparput, Jens Kjeldsen KNR-imut sapaatiummat taama oqarpoq.

Nunarsuarmik kaajallaanerminni inuit kulturillu assigiinngitsorpassuit naapippaat, inunnillu naapitsisarnitik misigisaqarfiginerpaavaat.

- Angalanitsinni misigisagut tamarmik nuannerluinnartuullutillu pissanganartuupput, aamma tikitagut ikaarfigalugit misigisassarsiorfigisarpagut. Ilisarisimasaqalerpugut, tikitatsinnilu eqqaamasaqarfiginerpaasagut tassaapput inunnik ilisarisimasaqalerfiginerpaasagut, Jens Kjeldsen oqarpoq.

AAMMA ATUARUK Ægtepar afslutter jordomrejse

Angalatuullu Paamiunut arfininngormat tikikkamik inuppassuarnit niuffiorneqarput, tikilluaqqusaanertillu Kjeldsenikkut killitsissutigaat.

- Assorujorujussuaq tupannarpoq. Pilluarnaqaaq. Ilaa taamannarujussuaq, uffa nalunngikkaluarlugu pilersaarusiortut, taamannak kusanartigisumik, nuannertigisumik tussunngunartigisumillu tikilluaqqusaanerput kusanaqaaq, Dorthe Kjeldsen oqarpoq.

- Nuanneqaaq. Eqqissiivilluta takummaavugut. Iluilaarsummeeqatigiippugut ullut arlallit, taavalu ippassaq aamma ernitta ingiaqatigaluta maanga tikikkiartoqatigaluta. Uterluni nuanneqaaq, ilumut oqarsinnaavunga maangali pigatta uanga nerilerpunga, suli nerivunga. Kalaaliminigussimagunarama immaqa.

Dorthe Kjeldsenilu taamatut angalaqqissanerlutik aperineqarami ima akivoq:

-Tassa arlallit aperipput. Naluara, suli oqarsinnaanngilanga naggataajusoq. Imaassinnaavoq immaqa Danmarkiliarsinnaasugut, qanittut tamakku. Kisianni Nuummut uterutta aasaq angalaartarumaarpugut panertulillutalu aavarlutalu. Tassa atorluaqaarput angallatinnguarput, Dorthe Kjeldsen oqarpoq.

Uiatalu Jens Kjeldsenip oqaatigaa Inuiattut ullorsiorneq nallertinnagu Nuummut tikereersimassallutik ilaquttatillu ukiup sinnerani najorniarpaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat