Doris amerikamiumik pulaartoqarpoq
Doris Jakobsen Christiansborgimi allaffimmini akimarpaluttumik ullumi pulaartoqarpoq. Pulaartua tassaavoq Amerikamiut Danmarkimi aallartitaqarfianni allattaaneq Thomas B. Selinger. Taassuma aallartitaqarfiup Kalaallit Nunaannut tunngasunik suliaanut akisussaaffik tigoqqammerpaa.
Allattoq Peter Troelsen, Simon Uldum
januaarip 30-at 2013 13:08
Selingerip Christiansborgimut pulaarnerata siunertaraa Doris Jakobsenip suliaanik Siumullu politikkianik ilisimatinneqarnissaq. Ataatsimiinnermi Doris Jakobsenip ilaatigut SAR-imik upalungaarsimaniarneq imaanilu uuttortaaneq, amerikamiut ikiuutaaffigilluarsinnaasaat, pillugu suleqatigiittoqarsinnaaneranut kissaateqarnini apuuppaa.
Doris Jakobsenip Selingerillu kulturikkut eqqumiitsuliornikkullu USA-p Kalaallit Nunaatalu akornanni paarlaasseqatigiittarnerup annertusarniarneqarnissaa isumaqatigiissutigaat. Aammattaaq Kalaallit Nunaat uranimik piaanissaminik kissaateqalissagaluarpat USA-llu tassunga atatillugu misilittagaanik pissarserusussappat USA-p Nuclear Regulation Committeeanit ikiuisoqarsinnaaneranik Selinger neqerooruteqarpoq.
