Donald Trumpip taasinernik kisitsineq unitsikkusukkaa
Tamanna nunatta nalunaaqutaa naapertorlugu pingasunngornermut unnuaani nalunaarutigaa.
Tamanna præsident Trumpip ajugaareertutut isumaqarneranik pissuteqarpoq.
Taamaammat kisitsinerup ingerlatiinnarnissaa pissutissaqanngilaq. Tamanna USA-mi eqqartuussiviit qullersaannut aalajangiititsissutiginiarpaa.
AAMMA ATUARUK Trumpip Bidenillu ajugaanissartik tamarmik ilimagigaat
- USA-mut uppernassusermik qulakkeerinissaq maanna anguniagaraarput. Misigisaavoq pingaaruteqartorujussuaq. Inuiaqatigiinnut peqquserlunneruvoq. Suliaq USA-mi eqqartuussiviit qullersaannut ingerlatissavarput, præsident oqarpoq.
Præsident Trumpip allakkatigut taasinerit qinersinermut pingasunngorup ingerlanerani aalajangiisunngussappata kukkunerusoraa.
AAMMA ATUARUK ATAATSIMUT ISIGALUGU: Biden suli siuttuuvoq - Trumpili qinersinermi naligiiffiusartuni pingaaruteqartuni ajugaasoq
Allakkatigut taasinerit qinersinermi matumani amerlasoorujussuupput. Tamanna amerikamiorpassuit qinersivinni coronamik tunillatsissinnaanerup aarlerinarnera pissutigalugu ullormi qinersisussanngunnginnermi allakkatigut taasiniarlutik aalajangersimanerannik pissuteqarpoq.
Nutaarsiassaqartitsivik AP naapertorlugu Joe Biden 238-nik taasisussaqarpoq Donald Trumpilu 213-inik taasisussaqarluni.
Qinigassanngortittut amerlanerussuteqarnissaanut ikinnerpaamik 270-inik taasisussaqarnissaat pisariaqarpoq.