Donald Trumpip Polenimukarnissani taamaatiinnaraa

Kiattup anorersua Dorian Floridamut illuariartorpoq annguppallu sakkortulluinnartumik anorersuartitsissangatinneqarpoq, taamaattumik USA'p præsidentiata anganissani taamaattiinnarpaa. Reuters taama allaaserisaqarpoq.
Kiattup anorersua Dorian Floridamut illuariartorpoq annguppallu sakkortulluinnartumik anorersuartitsissangatinneqarpoq, taamaattumik USA-p præsidentiata Polenimut anganissani taamaattiinnarpaa Assi © : Gage Skidmore/Flickr Creative Commons
Allattoq DR
aggustip 30-at 2019 08:48

Sorsunnersuup aappaa ukiut 80-t matuma siorna aallartinneqartoq Polenimi malunnartinneqartussaavoq, tamatumunngalu atatillugu Trump nulialu sapaatip akunnerata naanerani Polenimiittussaagaluarlutik.

Donald Trumpili Washingtonimiiginnarusulluni, nutaarsiassaqartitsivimmut Bloombergimut oqarpoq. Anorersuup anngunnissaanut sillimmartaartoqarniassammat. Tullersortinilu Mike Pence Polenimukassarnerarpaa.

- Anorersuaq anoraasuarajussuanngorsinnaavoq, Trump Bloombergimut oqarpoq.

AAMMA ATUARUK Puerto Rico erklærer undtagelsestilstand og gør klar til storm

Trumpip tullersortini, Mike Pence Polenimukartinniarlugu oqaatigaa.

Polenilu qaammatini tulliuttuni malunnartitsinissamut atatillugu aaqqissuussinissaminut piareersimasoq, Andzej Dudap oqaaseqartitai nalunaaruteqartut, Reuters allaaserisaqarpoq, naalagaaffiillu marluk oqarasuaatikkut oqaloqatigeereersimallutik.

Donald Trumpilli Europamut anganissaraluani ullut arfineq pingasut ingerlaneriinnaanni marloriarluni taamaatiinnarpai. Danmarkiliarnissamini sapaatip akunnerata siuliani taamaatiinnarlugu nalunaarutigaa.