Inatsisartut Aatsitassanut Naalakkersuisoq apeqqarissaarfigissagaat
Apeqqarissaartoqareerpat ilaatigut upalungaarsimanermut tunngasoq oqaluuserineqassaaq.
Ajunaarnersuarnik ajunaarnersuartulluunniit ittunik pisoqartillugu iliuuseqapallattarnermut upalunaarsimanerup kommuninit
akisussaaffigineqarnerata pitsaaqutaanik pitsaanngequtaanillu Naalakkersuisut nassuiaasiornissamik peqquneqarnissaannut siunnersuut oqaluuserineqassaaq.
Tamatuma kingorna aalisarnerup iluani tunitsivinni tunisat tamaasa oqimaassutsinut akigititat ingerlaavartumik saqqummiuneqartalernissaat anguniarlugu internikkut portalimut pilersitsinissamik nalunaarusiamik 2018 ingerlarnerani agguaassisarnissaq pillugu oqaluuserisassaq siullermeerneqassaaq.
Portalilu qanoq aaqqissuunneqarsinnaanersoq - kiisalu inuussutissarsiummut tunngatillugu aningaasarsiornermut unammilleqatigiinnermullu qanoq kinguneqarsinnaanera ilaatinneqassallutik.
Ingerlatseqatigiiffiit tamakkiisumik killilimmillu akileraartussaatitaasut akileraarutaasa januarip aallaqqaataanit 2019 aallarnerfigalugu 20 procentimut appartinneqarnissaanut isertitanut akileraarut pillugu oqaluuserineqassaaq.
Inatsisartuni oqaluuserisassat nassuiaataat inatsisartut.gl-imi atuarneqarsinnaapput, ataatsimiinnerallu KNR-ikkut malinnaavigineqarsinnaassallutik.