Demokraatit immikkoortaqarfiisa annersaat siulersuisortaarpoq

Tamanna pivoq immikkoortortaqarfik arfininngornermi ataatsimeersuarmat
Demokraatit siulersuisuuneri ataatsimeersuarnissamut aggersarneqarput,  immikkoortortaqarfik piffissaq eqqorlugu aggersaasimanngimmat. 

Qaammatit kingulliit ingerlaneranni demokraatit immikkoortortaqarfianni siulersuisuunerit arfineq pingasuusut taakkunannga arfineq marluk partiimit tunuarput. 

AAMMA ATUARUK Tillie Martinussen Demokraatinit tunuarpoq

Immikkoortortaqarfimmi siulittaasoq Tillie Martinussen  siulersuisunilu ilaasortaq alla partimit ilaasortaajunnaarlutik  arfininngornermi nalunaarput. 
Immikkoortortaqarfimmi nutaani siulersuisunik qinersisoqartariaqarsimavoq taamaaliortoqanngippat immikkoortortaqarfik atorunnaassaammat.

Demokraatit Sermersooq Kitaani arfininngornermi ataatsimeersuarmat siulersuisunik nutaanik qinersisoqarmat, Anna Wangenheim siulittaasutut qinerneqarpoq.

Siulersuisut nutaat imak isikkoqalerput:

Siulittaasoq: Anna Wangenheim
Siulittaasup tullia: Henrik Thomsen
Aningaaserisoq: Karen Lynge
Ilaasortat: Rasmus Dalgaard Andersen & Randi Vestergaard Evaldsen

AAMMA ATUARUK Demokraatit naleqartitaat malinneqanngillat