Tillie Martinussen Demokraatinit tunuarpoq
Inatsisartunut ilaasortaasimasoq aamma Demokraatit immikkoortortaqarfianni anginerpaami Sermersooq kitaani siulittaasoq Tillie Martinussen partiimit ilaasortaajunnaarluni ullumi nalunaarpoq soorlutaaq siulersuisuni ilaasortaqataa Nivi Frenderup- Strunz aamma partiimit ilaasortaajunnaarpoq.
Tillie Martinnusenip oqarnera naapertorlugu, Demokraatit politikkiat isumaqatigiunnaaramiuk partiimit ilaasortaajunnaarpoq, taannaa aamma isumaqarpoq partiimi tunuliaqutaasut tusaaniarneqanngitsut.
- Partiimit ilaasortajunnaarnera uummatikkut artorsaatigaara, aallaqqaataaniilli peqataanikuugama, maanna partiip ingerlanneqarnera politikkerisaaluunniik tapersorsinnaajunnarpara, ullormiit ullormut allanngorartuumat, Tillie Martinussen oqarpoq.
AAMMA ATUARUK Demokraatit avissaartuuttuarsinnartut
Ilaasortaajunnartut marluk pissutigalugit, Demokraatit immmikkoortortaqarfiat Demokraatit Sermersooq Kitaa atorunnaarsinneqarallarpoq, siulersuisuni ilaasortat arfineq marluk tamangajammik, ataaseq kisimi pinnani partiimit ilaasortaajunnaarmata.
Demokraatit siulitaasuata Randi Vestergaard Evaldsenip partiimi ilaasortut tunuartut, tunuarmata ataqqivai,
ilanngullugulu oqaatigaa, Demokraatinut ilaasortanngortartut amerliartornerat malugisinnaallugu.
AAMMA ATUARUK Michael Rosing matu matorluutigalugulu Demokraatinit tunuartoq
Kisianni partiimit tunuartut ajornartorsiutaanngitsut Demokraatit siulittaasuata Randi Vestergaard Evaldsenip oqaatigaa,
- Parteerput alliartuinnarpoq, tamannalu oqaatigereerpara, ilaasortat arfineq marluk ukiut ingerlanerani partiimiit anipput, allatut ajornaqaaq tamanna akuerineqartariaqarpoq, Randi Vestergaard Evaldsen oqarpoq, - tassuma illuatungaa qiviarneqartariaqarpoq, parteerput alliartorpoq ilaasortaatitagaullu amerliartorlutik, Demokraatit siulittaasuat Randi Vestergaard Evaldsen KNR-mut taama oqarpoq
Demokraatini ilaasortat allat marluk ukiormanna partiimit ilaasortaajunnaarput. Siullermik Poul Hansen maajip qaammataani ilaasortaajunnaarpoq - qinikkatut marlunnik ilaasortaaffeqarneq akerleralugu.
Septermberip qaammataani Inatsiartusartuni ilaasortaq Michael Rosing attaviitsunngorpoq, Demokraatit politikkiat isumaqatigisinnaajunnaaramiuk.
KNR-ip maanna sulissutigaa, Demokraatit siulittaasuata Randi Vestergard Evaldsenip oqaaseqartinnissaa.