Demokraatit: Uran pillugu aalajangiinissaq kinguartinneqarli
Demokraatit siulittaasuat Jens B. Frederiksen oqarpoq:
- Paasissutissat naammattutut massakkut isiginngilavut. Nalunaarusiap uuma inerniliinerata takutippaa Kalaallit Nunaata Danmarkillu akornanni suli aaqqiagiinngissuteqartoqarnera, uran pillugu kalaallit danskillu nalunaarusiaat nutaaq saqqummiunneqaqqammereersorlu, Demokraatit siulittaasuat Jens B. Frederiksen oqarpoq.
Inatsisartuni immikkut ataatsimiititaliamik partiinit tamanit ilaasortaaffigineqartumik uranimut tunngasunik suliaqartussamik aamma pilersitsisoqarnissaa, Demokraatit siunnersuutigaat, soorlu Maniitsup eqqaani alumiiniumik aatsitsiviliortoqarnissaa pillugu immikkut ataatsimiititaliamik pilersitsisoqarnikuusoq, kommunillu aaqqissuuteqqinneqarnissaannut atatillugu aamma taamaaliortoqarnikuusoq:
Atassulli akerlianik isumaqarpoq kinguartitsisoqarnissaanut maanna piffissaanngitsoq, ukiorpassuimmi oqallittoqareerpoq, Atassutip siulittaasua Gerhardt Petersen oqarpoq:
- Suliffissaaleqineq annertusiartuinnarpoq, taavalu minnerunngitsumik ukiuni aggersuni aningaasat Nunatta pisariaqartitai amerliartuinnartuussaasur. Tamatta nalunngilarput ukiualunnguit qaangiuppata 1 miliardit koruunit amigaatigilertussaagivut. Aamma oqartoqanngilaq uranimut naaggaarluinnarneq peerpat, taava ukiorpaalorujussuit suli atorneqartussaavoq tamakku aallartinnissaannut tunngavissaq, Atassutip siulittaasua Gerhardt Petersen oqarpoq.
