Demokraatit upernaamut siunnersuutit saqqummiussassatik piareerpaat
Kingusinnerpaamik juunip aallaqqaataani Inatsisartunut qinersisoqartussaammat upernaakkut ataatsimiinnissaq sivikitsuararsooratarsinnaavoq. Inatsisartut ataatsimiinnerup qiteqqunnerata missaani kommunimut qinersisoqassaaq, taamaammat Demokraatit ataatsimiinnissamut inatsisissanik suliaqarnermut tunngatillugu annikillisaasimavoq.
-Siunnersuutittali Demokraatini tunngaviusumik naleqartitagut isummagullu ersersippai. Ilumoorluinnarpugut oqaratta, ilinniartitaaneq qaffassartariaqartoq, inuutissarsiortut atugaat pitsanngorsartariaqartut, nunami tamarmi angallannikkut pissutsit pitsaasut perusuppagut, aamma tusagassiutit nukittuut pigerusuppagut kiisalu inuiaqatigiinni sanngiitsortagut ikiorniarpagut, pitsaasumik imaqarluartumillu inuuneqaqqullugit, Demokraatit Inatsisartuni gruppianni siulittaasoq Justus Hansen oqarpoq.
Demokraatit siunnersuutaat pillugit uani annertunersumik atuagassaqarpoq:
Danskisut: http://www.demokraatit.gl/Nyheder/Senyheder/tabid/75/ArticleId/130/language/da-DK/Default.aspx
