Demokraatit tipsimit lottomillu aningaasat pillugit paasisaqarnerorusupput

Kultureqarnermut naalakkersuisoq Nick Nielsen taineqarsimavoq, Nunatta Isiginnaartitsisarfiatali tipsimit lottomillu aningaasanit pissarsinissamut salliusinnaatitaalersikkamiuk tatineqarunnaarpoq. Taamaatut aaqqiissuussisoqarneratigut millionit taakku pingasut Nunatta isiginnaartitsisarfiata pissarsiarisinnaanngormagit.

Demokraatit siulittaasuata Jens B. Frederiksenip tipsimit lottomillu aningaasanik agguaassisoqalerpat sulissiviup aalajangersimasup immikkut pineqarnissaa pissusissamisoorsorinngilaa. Nunatta Isiginnaartitsisarfiatami salliusinnaatitaalersinneratigut allat tapiiffigineqarsinnaajunnaarsinnaassammata.

Frederiksen Naalakkersuisunut § 37 naapertorlugu apeqquteqaatimini paaserusuppaa kikkut ukiut siuliini aningaasanit takkunannga tapiiffigineqarsimanersut. Jens B.-p aamma paaserusuppaa suliniutit qanoq ittut Nunatta Isiginnaartitsisarfiata pingaarnersiuinermi sallersanngortinneqarneratigut Naalakkersuisut pingaaruteqannginnerusumik inissinniarneraat.

Kiisalu aamma Demokraatit siulittaasuata paaserusuppaa, Nunatta Isiginnaartitsisarfiata angalalluni isiginnaartitsisarnini qanoq ililluni ingerlatiinnarsinnaaneraa angalanissamut Tipsimit lottomillu aningaasanut qinnuteqartoqarsinnaanngimmat.

-Taamaattumik Nunatta Isiginnaartitsivia 3 millioner koruuninik taakkunannga aningaasaliiffigineqassappat taava suliniuterpassuit/påeqatigiiffippassuit tapiissutisiassaminnut utaqqilussinnartussaapput. Demokraatini tamanna tunngavigalugu soqutigaarput paasissallugu, peqatigiiffiit aamma/imaluunniit suliniutit sorliit kingullinngortinneqassamaarnersut Kulturimut Naalakkersuisup aalajangernerata kingorna, Jens B. Frederiksen apeqqutini taama tunngavilersorlugit oqarpoq.