Demokraatit qineqqusaarnermi periuseq nutaaq atorniaraat
- Inunnik tupaallannartunik sassartussanik peqaratta, taakkua tunuarsimaartikkallalaassavagut. Taava ataatsimik marlunnilluunniit sapaatip akunneranut saqqummersitsisarniarpugut suaarutigalugit, Nivi Olsen oqarpoq.
Demokraatit sinnerlugit qinigassanngortittut 21-ugallarput.
AAMMA ATUARUK Innuttaasut akisussaassuseqarnerunissaat ukkatarineqassasoq
Qineqqusaarnerup siuliani Demokraatit sinnerlugit qinigassanngortittut 18-iupput, Nivi Olsenilu naapertorlugu maanna qinigassanngortittussat ikinnerpaamik marloriaammik amerlanerussapput.
Qinigassanngortittullu akuttusuukkaarlugit ilisaritinneqarnerisigut inuiaqatigiinnut oqariartuutaat pitsaanerusumik anngussinnaanissaat, partiip neriuutigaa.
AAMMA ATUARUK Niels Thomsen qinigassanngortittoq
- Periarfissilluarusukkatsigit, sunaana qineqqusaarutigalugu sassartut? Imatuunngitsoq atia saqqummiuteriarlugu amerlasoorpassuit akornanni ataatsikkorsuaq nuisillugit.
Demokraatit saamerliunianut illuatungiliuttuullutik qineqqusaarnermi sukataarniartut, Nivi Olsenip oqaatigaa.
Assortuunnerlu pinnagu politikki ukkatariniarpaat:
- Ileqquusartoq partiini kukkunersiuineq annikinnerpaaffissaaniitsinniarsariniarparput inuiaqatigiinnullu takutillugu uagut partiitut aqqut suna tunniussinnaagipput, Demokraatineersoq Nivi Olsen oqarpoq.