Demokraatit inuusuttaat nutaamik siulittaasortaarput
Demokraatit Inuusuttaasa siulittasortaavat tassaavoq Randi Vestergaard Evaldsen, siulersuisunullu ilaasortanngorput Rasmus Andersen, Mikkel Krogh Søndergaard, Kenneth Mortensen aamma Tillie Martinussen. Demokraatit Inuusuttaasa innuttaasut inuiaqatigiinni akisussaaqataalernissaanik ilaatigut sulissuteqarniarput.
- Pisariaqalerpoq inuusuit saqqummiinissaat politikkimi suut pingaaruteqarnersut pillugu. Amerlavallaat isumaqarput aaqqiissutissamik pisariaqarlutik akuunnguaratik imaluunniit oqaaseqassallutik politikkikkut sulineq pillugu. Taamaattoqarsinnaanngilaq, siulittaasunngorlaaq nassuiaavoq.
Demokraatit Inuussuttaasa anginiagaraat Kalaallit Nunaat kinguaassatsinnut pitsaanerusoq uagut atukkatsinnut naleqqiullugu. Taamaammat aamma Nunatsinni politikkimik eqqartuisoqalernissaanut piffissanngorsoraat.
- Imaanngilaq nipitunerpaat imaluunniit misilittagartunerit pikkorinnerusut. Politikkimut akuliuttarneq iluaqutaannginnerarlugu eqqarsartarneq peertariaqarparput. Iluaqutaavoq aamma ajornartorsiutigut isit nutaat atorlugit nunatsinni ajornartorsiutit qissimittariaqarpagut, Randi Vestergaard Evaldsen oqarpoq.