Demokraatit arfinillit iserput
Nuup kommuneani qinersinermi Demokraatit siuariarujussuarput arfinilinnik isertitaqarlutik Siumup partiia qinersinermi kinguariaallalluni arfineq pingasuniit arfineq marlunnik ilaasortaatitaqalerput. IA aamma ataatsimik kinguariaallalluni pingasuinnarnik ilaasortaatitaqalersoq Atassut kinguariarnerpaalluni ataasiinnarmik ilaasortaatitaqalerpoq.
Siumut IA-lu suleqatigiinnertik ingerlatiinnassagunikku Siumut borgmesteriutitaqaannassaaq.
Demokraatit siuttuat Per Berthelsen raatiuaviisimut oqarpoq qinersinerup inerneri tulluusimaarutigalugit, nangillunilu: - Siumut suleqatigerusunnarpoq, soorunamilu inuit qinersisimanerat ataqqillugu Siumut suleqatigilissagaluarutsigu Agnethe Davidsen borgmesterinngussaaq.
Borgmesteri Agnethe Davidsen oqarpoq ulloqeqqaniit partiit tamarmik oqaloqatigineqassasut, ilanngullugulu oqaatigaa Demokraatinik suleqateqarsinnaaneq mattunneqanngitsoq, borgmesteritulli isiaannarnissani naqissusserpaa.
