Sofie Carsten Nielsen De Radikalit siuttuattut tunuartoq
Sofie Carsten Nielsen Danmarkimi partiimi De Radikalit siuttuattut tunuarpoq. Tamanna taassuma ippassaq marlunngornermi qinersinermi qinersisikissimarpasinneranik peqquteqarpoq.
Folketingimut ilaasortanngussanersoq suli nalunartoq, inuttaa ullumi pingasunngornermi oqarpoq.
- Tatigineqanngitsunga taasisut kisinneqarnerani erserpoq. Taava qinigaaaguma qinigaanngikkumaluunmniit apeqqutaatinnagu piginnaatitaanera ersarluppoq. Qinersartut piumasaat allaaneruvoq, tamannalu uanga ataqqinerpaavara.
- Taamaammat politikkikkut siuttutut soorunami ingerlaannarsinaanngilanga. Radikalit gruppiat nukimmik asanninnermillu nassippara, taanna Christiansborgimi oqarpoq.
AAMMA ATUARUK De Radikalekkut ministeriuneq qinersinissamik aatsaat aqagu nalunaaruteqarsinnaatikkaat
Tassa De Radikalit nunanut allanut tunngasunut ministeriusimasoq, Martin Lidegaard, dronning Magrethemik tassa partiit siuttuinik maanna oqaloqateqaleruttortumik oqaloqateqartussanngortippaat.
Partii ministeriunerup qinersinissamik suaaruteqarneranut sunniuteqartuuvoq, Mette Frederiksenimi qinersisitsinissamik nulunaaruteqanngippat naalakkersuisuusut Socialdemokratineersut uppisinniarlugit nalunaartuummat.
Radikale Venstre qinersinermi affaannarnik ilaasortaatitaqalerpoq.
Tassa Radikalit Folketingimi gruppianni ilaasortat siulittaasussaminnik toqqaasussanngorput.