DASH-8-t tamanit takuniarneqarsinnaapput
Sapaatiuppat aggustip aallaqqaataani Air Greenlandip DASH-8-t Nuummi hangarimiittut tamanut takuniarneqarnissaannut ammaatissavai.
juulip 28-at 2010 13:22
Takuniaanermi timmisartut silataaniit iluatungaaniillu misissuataarneqarsinnaapput. Takuniaasullu timmisartortartoq timmisartunillu iluarsaasartoq apeqquteqarfigisinnaavaat.
Timmisartut Amerikami Oregon-imi Horizon Air-imit pisiat upernaaq maajip aallaqqaataata missaani Nuummut apuupput. Timmisartulli tamanut saqqummiunneqarnikuunngilat Islandimi arsakoqarnerup nalaanni tikisinneqarmata. Tamannalu maanna Air Greenlandip qanoq iliuuseqarfiginialerpaa.
DASH-8-t marlunnik motooreqarput, taamaattumillu DASH-7-iniit orsussamik atuinikinnerullutik. Timmisartut atserneqarput Qarsoq aamma Suloraq, nunattalu iluani timmisartuussinermi atungaalereerlutik.
