Danskit naalakkersuisuisa Aleqa naatsorsuutigaat
Aleqa Hammondip Folketingimi attaviitsuunini sisamanngormat oqaluttuaannanngortippaa. Taanna Nunatta Qitornai sinnerlugit ilaasortaasussanngorami. Venstrellu gruppiani siulittaasup Søren Gadep Aleqa Hammond partiimi nutaami ilaasortaaleraluarluni tapersersuinera ingerlaannassasoq naatsorsuutigaa.
- Aleqa Hammondip partiimut nutaamut ilaasortaalernerani isumaqatigiissutitsinnut allannguissanngilaq. Aleqa Hammondip Kalaallit Nunaata namminiilivinnissaa sulissutigiuaannarsimavaa - tamannalu peqqutaalluni Danmarkimi naalakkersuinikkut aalajangigassani akerliulluni taasissanngitsoq, taamaalillunilu naalakkersuisut uppisinneqarnissaraluat pinngitsoortissallugu isumaqatigiissut attatiinnarneqarpoq.
AAMMA ATUARUK Løkkep naalakkersuisuinik Aleqap tapersuisunera akornutissaqatinngilaa
Isumaqatigiissusiornikkullu aalajangikkat tamanit attatiinnarneqassapput.
- Kalaallit Nunaat namminiilivinnissamut aalajangiussaqaraluarpat Danmarkimit akuliuffigineqassanngitsoq aamma attatiinnarneqarpoq. Isumaqatigiiittoqarmat taama aalajangertoqarnikuuvoq, tamannalu allannguuteqanngilaq, Søren Gade oqarpoq.
AAMMA ATUARUK Aleqap Nunatta Qitornai qaammammut 75.000 koruunnik pissarsissuppai
