Danskit inatsisinik atuutsitsinermut ministeriat Nuummut tikeraarniarunnaartoq
Danskit inatsisinik atuutsitsinermut ministeriata Søren Pindip Nuummut tikeraarnissani taamaatiinnarpaa. Politiit nuna tamakkerlugu aqutsisoqarfittaavannik aqagu marlunngornermi atoqqaartitsinermi najuuttussaagaluarpoq. Napparsimalersimaninili pissutigalugu peqataasinnaajunnaarpoq.
Danskit inatsisinik atuutitsinermut ministeriat Søren Pind
Allattoq Kenneth Elkjær
aggustip 15-at 2016 11:05
Nutserisoq Simon Uldum -
Danskit inatsisinik atuutsitsinermut ministeriat Rigspolitichef Jens Henrik Højbjerg peqatigalugu nuna tamakkerlugu aqutsisoqarfiup Nuummi politeeqarfimmiittup pisortatigoortumik atoqqaartinneqarneranut peqataasussaagaluarpoq.
Atoqqaartinneqarnerali ministeri napparsimalersimasoq peqataatinnagu ingerlanneqassaaq. Aaqqissuussinerup sinnera pilersaarutit malillugit pissaaq. Nunatta Politiivi tusagassiorfinnut ataasinngornermi ullaakkut nalunaaruteqarlutik taama allapput.
Nuna tamakkerlugu aqutsisoqarfimmik atoqqaartitsineq Nuummi politeeqarfimmi nalunaaqutaq 11.30 pissaaq.
