Danskit ilinniartitaanermut ministeriat tikeraartoq
Nunatsinni atuarfeqarfiit ministerip annerusumik paasisassarsiorfiginiarpai, soorlu Danmarkimi taamaaliortoqareersoq Nunatsinni meeqqat atuarfianni ilinniarnertuunngorniarfinnilu aaqqissuusseqqittoqarnikuulluni.
- Danmark Kalaallillu Nunaat Naalagaaffeqatigiinnikkut ataqatigiilluarput, kalaallit inuusuttut ilinniagaqarnissaat taamaammat pingaaruteqarpoq. Kalaallit Nunaanni meeqqat atuarfii ilinniarnertuunngorniarfiillu aaqqissuuteqqinneqarnikuupput, ilinniartitaanerup nukittorsarneqarnissaa siunertaalluni, misilittakkanillu Naalagaaffeqatigiinnerup iluani avitseqatigiittoqarsinnaavoq, Ellen Trane Nørby oqarpoq.
Nuummi Atuarfik Samuel Kleinschmidt, Sisimiunilu ilinniarnertuunngorniarfik TECH College Greenland KTI pulaarneqassapput, Ilinniartitaanermullu Naalakkersuisoq Nivi Olsen aamma peqataassaaq.
