Danskit aningaasaateqarfiisa nakuuserneq akerlilerpaat

Danmarkimi aningaasaateqarfiit, Aningaasaateqarfik Mary, Danner Stiftelsen aamma OAK Foundation, nutaamik suliniuteqarnermikkut Nunatsinni qimarnguiit atorneqartarnerat nukittorsarnialerpaat.

Arnat inersimasut 62 procentii inuunermik ilaanni persuttarneqartarsimapput, kalaallillu meeqqat sisamararterutingajaasa anaanartik persuttarneqartoq misigisarsimallugu. Misissuinermi, siorna pisumi, tamanna paasineqarmat, taama aallartitsisoqalerpoq. Danskit-kalaallillu nutaamik suleqatigiilissapput, aapparisamillu persuttaasarneq "nalinginnaaqisoq" suleqatigiinnikkut unitsinniarneqassaaq.

Qimarnguinni ataasiakkaani sulisut suleqatigiinnerulernissaat nukittorsarneqassaaq, sulisullu tamarmik, tassa pisortat sulisullu, piginnaaneqarnerulernissaat anguniarneqassalluni. 

Kunngissap nulia, Mary, isumaqarpoq, arnanut persuttaasarneq nunarsuaq tamakkerlugu ajornartorsiutaasoq.

- Taamaammat arnat kikkulluunniit kulturi nunallu killeqarfii qaangerlugit tapersersorneqarnissaat pillugu suleqatigiinnissamik isuma pitsaasuuvoq. Kalaallit Nunaanni arnanut meeqqanullu persuttarneqartartunut ikiorsiinissami nunarsuarmit tamarmit misilittakkat suliniummi uani atorluarneqarnissaat Aningaasaateqarfik Marymit neriuutigaarput, kunngissap nulia, Mary, taama oqarpoq.

Suliniummi, Aningaasaateqarfiup Maryp, Danner Stiftelsep OAK Foundationillu, saniasigut, Kalaallit Nunaanni Qimarnguiit Kattuffii, Nuummi meeqqat inuusuttullu illuat, Mælkebøtten, aamma Ilaqutariinnermut Inatsisinillu atortitsinermut Naalakkersuisoqarfik suliniuteqarnissamut aamma ilaapput.

Suliniut workshopeqarnikkut maajimi aallartissaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!