Dansk Industriimeersoq Karsten Dybvad Andap ataatsimeeqatigigaa
Ataatsimiinnermi nunatta aningaasaqarnera, aaqqissuusseqqinnernik suliarisat, aammalu inuussutissarsiutitta ineriartortinnerannik sanarfinermut danskit suliffeqarfiisa aningaasaliisartullu qanoq ilapittuuteqarsinnaanerat oqaluuserineqarpoq.
- Ataatsimiinneq pitsaallunilu kinguneqarluarpoq, maannakkut pisunik arlalippassuarnik oqaluuserinnilluta, ilaatigut inuussutissarsiorfimmi ineriartortitsineq qanoq ataatsimoorullugu aallartisarsinnaanera pillugu, Anda Uldum, Aningaasaqarnermut Aatsitassaqarnermullu Naalakkersuisoq oqarpoq, ukiullu ingerlanerani ataatsimeeqqinnissaminnik isumaqatigiissimanertik ilisimatitsissutigaa.
Anda Uldum oktobarimi DI-p ataatsimeersuartitsineranut, ilaatigut Kalaallit Nunaanni aatsitassat pillugit imaqartussamut oqalugiartussatut ataatsimiinnermi tassani qaaqquneqarpoq.
