Dannebrog nunatsinnut apuutingajalerpoq

Kunngikkormiut umiarsuaata Dannebrogip Savalimmiuni Tórshavnimi sapaatip-akunnera kingulleq uninngallatsiariarnermini - taquassarsiniarlunilu orsersoreerluni - Atlantikup avannaa ikaarlugu angalanini tallimanngormat nangippaa, sømilerpassuit atorlugit Kalaallit Nunaannukassalluni.
Allattoq Carla Davidsen
juulip 04-at 2011 08:36

Kunngikkormiut umiarsuaat Nuummut sisamanngorpat juulip ulluisa arfineq-aappaanni tikissangatinneqarpoq, Nuummiit Upernavimmut ingerlaqqissalluni, Dronning Margrethe uialu Prins Henrik Dannebrogimut ikissangatinneqarput sisamanngorpat tulliani, juulip ulluisa aqqaneq-aappaanni.

Tamaanngaanniit kujammut ingerlaassapput - Uummannaq, Saattut, Niaqornat, Qeqertarsuaq Aasiaallu - tikeraarneqassallutik.

Dronning Margrethe Prins Henrillu Aasianniit Nuummut timmisartussapput, Nuummiillu kujammut - Paamiunut, Qaqortumut, Nanortalimmut Narsamullu - Dannebrogimik juulip ulluisa 17-ianni aallassallutik.

Kunngikkormiut pisortatigoortumik tikeraarnerat juulip ulluisa 25-anni naammassissaaq, kunngikkormiullu Narsarsuarmiit Danmarkimut angerlassapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq