Assammik arsarluni EM Danmarkip Rumania ajugaaffigisariaqarpaa
Danmarkimmi unammisartui Ruslandimut ippassaq unammigamik 26-26-mik naligiiginnarput, Danmarkilu semifinalimmut anngiunnermut gruppe 2-mi 5 pointeqalerluni Rumaania 6 pointeqalersoq.
Norge 8 pointeqarluni semifinalimut anngutereerpoq.
Danmarkip nunanut allanut unammisartui sukataartariaqassagunarput, arnammi assammik arsartartut nunarsuarmi immaqa pikkorinnersaat, Cristina Neagu, Rumaaniap nunanut allanut unammisartuinut ilaavoq.
Danmarkip Sverigemi EM-ertoqarnerani ullumi unamminissaa pingasunut qitequppat, 14:30, aallartissaaq, KNR2-kkullu takuneqarsinnaassalluni. Aallakaatitsineq pingasunut tanneq tallimanut, 14:25 aallartissaaq.