Danmarkip nunaasiaateqarnermi pissusilersuutigisimasai misissussavaat

Danmarkip nunaasiaateqartutut inissisimasimanera Nunatsinniinnaanngitsoq eqqartorneqarpoq.

Taamaallaat Nunatsinni Danmarkimit nunasiaasimaneq oqallisaanngilaq.

Danmarkimissaaq peqatigiiffiup nutaap Københavnimi ilisimasanik siammarteriveqalernissaa sulissutiginialerpaa, ajunngitsutigut ajortutigullu Danmarkip nunasiaateqarsimaneranik paasissutissiisussaq.

Danmarkimmi oqaluttuarisaanerani tamanna puigorneqarsimammat.

- Nunasiaateqarnermik oqaluttuarisaaneq puigorneqarsimavoq. Imaluunniit eqqartorumaneqannginnerpoq!

Taama oqarpoq Anders Bjørn, oqaluttuarisaanermik ilinniagalik Christiansholmimilu nunasiaateqarnerup oqaluttuarisaanerani peqatigiiffimmi siulersuisunut ilaasortaasoq.

 

Aamma atuaruk Isumakkeerfigeqatigiinnissaq pillugu ataatsimiitialiorniarnermi Danmark akuunngilaq

 

Peqatigiiffik pilersinneqarsimavoq Københavnip Kommuniata qeqertap Christiansholmip ilaa sumut atussanersoq unammisitsissutigimmagu, taanna ilaasa aamma Papirømik taasarpaat.

Peqatigiiffik aalajangiissagaluarpat, Danmarkip nunasiaatilittut pissuserisimasaa pillugu ilisimasaqarfittut qeqertap ilaa atorneqassagaluarpoq, nunani kiattuni Atlantikullu avannaani nunasiaateqarsimaneranut tunngasunut:

- Kiisami nunasiaateqarsimanermut tunngasunik ilisimasaqarfeqalissagaluarpugut, Danmarkimut nunasiaataasimasut pillugit saqqummersitsisarluta paasissutissiisarlutalu. Imaassinnaavoq aamma Island Savalimmiullu ilanngunneqarsinnaasut, danskimmi Danmarkip nunanut taakkununnga atassuteqarsimanera pillugu ilisimasaat killeqarmata.

Anders Bjørn Nunatsinni 80-ikkunni ilinniarnertuunngorniarfimmi sulisimasoq isumaqarpoq naliginnaasumik danskit ilisimasakippallaartut - ajuallajasarlutillu Danmark nunasiaateqartutut eqqartorneqaleraangat.

Danskit isornartorsiorusunneqartanngillat. Tassami danskit takorluugaqarput nunasiaatilittut nunasiaatitta kulturiinik ataqqinnittuusartugut. Kalaallinut inuiaqatigiinnut aningaasatigut tapiissuteqartarpugut, isornartorsiuiniaraannilu iso
risassaqarani. Tassuuna puigorneqartarpoq danskit tassaammata pissaanermik tigumminnittut. Aamma 1953-ip kingornatigut.

Danmarkip nunasiaateqarsimanera pillugu ilisimasanik siammarteriveqalernikkut isiginnittariaaseq annertusineqarsinnaavoq.

- Taanna aqqutigalugu oqaluttuarineqarsinnaavoq, Kalaallit Nunaanni ajortutigut ajunngitsutigullu susoqarsimanersoq.

Qeqertap ilaa sumut atorneqassanersoq Københavnip Kommuniata apriilip arfernganni unammeqataasussat tallimat toqqassavai.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat