Danmarkimi socialministeri Tasiilamut tikeraassaaq
Benedikte Kiærip socialministeritut angalanera siulleq pissaaq Tasiilamut piffissami 6. – 10. marsi 2010.
Allattoq Louise M. Kleemann
Socialministeriutut tunuaqqammersup Karen Ellemannip Tasiilamut tikeraarnissaa decembarimii isumaqatigiissutigineqarpoq. Qallunaat naalakkersuisuisa allanngortiternerisa kingorna socialministerertaaq, Benedikte Kiær, nunatsinnut maanna tikeraartussanngorpoq.
Benedikte Kiærip naalakkersuisoq Maliina Abelsen peqatigalugu Prinsesse Margrethep Børnehjemmia, ilaqutariinnut sullissivik, meeqqat ornittagaat, Amarngivat, kiisalu atuarfik pulaassavaat.
Aamma Kuummiunut tikeraarnermut ulloq ataaseq atorneqassasoq, Namminersorlutik Oqartussanit ilisimatitsissutigineqarpoq.