Danmarkimi satspuljet isumaqatigiinniutigineqarneri ajalusoortut
Isumaqatigiinniarnerit ajalusoorput Folketingemi partiit saamerliusut isumaqatigiinniartitaat naalakkersuisullu isumaqatigiinngissutigigamikkit Danmarkimi inuiaqatigiinni sorliit tapiissutinik satspuljenit tunineqassanersut.
Danmarkimi naalakkersuisut isumaqarput satspuljenit tapiissutit napparsimasut peqatigiiffiinut innarluutillillu suliniaqatigiiffiinut tunniunneqartassasut.
Illuatunguliuttulli partiivi isumaqarput, satspuljenit tapiissutigineqartartut qangali siunertarisaminnut tunniunneqartarunnaalersut, tassami inooqataanikkut ajornartorsiuteqartunut taakkua tunniunneqartarmata.
Aamma atuaruk Kalaallit ajornartorsiuteqartut tapiissutinik ileqqaarfigineqartut
Satspuljenit tapiissutit pillugit isumaqatiginniarnerit ajalusoornerat pissutigalugu illuatungiliuttut peqqinnissaq pillugu isumaqatiginniarnissamut peqataasinnaanatik nalunaarput.
Tapiissutit satspuljet pillugit isumaqatiginniarnermi kalaallinut Danmarkimi inooqataanikkut ajornartorsiortunut suliniutit ilanngunneqassasut, Danmarkimi naalakkersuisut saqqummiussaani atuarneqarsinnaavoq.
Tapiissutinut satspuljenut atorneqarneqartussat 1 milliardit koruunit immikkoortinneqarput.