VIDEO Danmarkimi pinerliiniartoqarnera nunatsinni aamma tupaallaatigineqarpoq
![](/sites/default/files/styles/image_934x467/public/oembed_thumbnails/2022-12/0YxGcyVa3NwNnq3TR1aowrKnJtXCbOIcZaS4LboPf_o.jpg?itok=1HAr3uCz)
- Kiisa Danmark taamaalivoq. Neriuppunga tamanna nunatsinnut apuutissanngitsoq, Makka Falksen KNR-imut taama oqarpoq.
Efa Tittussenip arfininngormat sapaatiummallu pisut tv-kkut malinnaaffigisimavai.
- Isigisaq kusanaaqaaq aamma amiilaarnaqaaq.
- Aamma ilaqutaqaratta tappavaniitsunik isumaalorujunnaqaaq, eqqaanni pilukkakkamik, Efa Tittussen KNR-imut taama oqarpoq.
AAMMA ATUARUK Pinerliiniartoqarnerani toqutaasut Odensemi eqqaaniarneqarput
- Ajuluallannaqaaq pakatsinarlunilu, aamma alianarpoq.
- Qallunaat allallu inuiaat Danmarkimiittut nunaqqativullu kalaallit eqqarsaatiginaqaat. Toqqissisimanaattorujussuussooq massakkut Københavni.
- Misiginneqataaqaanga. Taamatut pisimasoqartariaqaavinngitsutut isigivara, nunarsuatsinni eqqisseqatigiittariaqaratta. Neriuutigeqaara taamatut pisoqaqqissanngitsoq. Aamma uagut Danmarkimut feeriarluta angalasaratta. Toqqissisimanarnavianngilaq taamatut pisoqaqattaassappat, Makka Falksen oqarpoq.
AAMMA ATUARUK Pinerluttup ingerlaneranit nalunngisagut
Royal Arctic Linemi illoqarfimmi allat assingalugit erfalasoq aamma qiteqqusimatinneqarpoq.
- Alianaqaaq. Misiginneqataalluni erfalasorput qiteqqusimatipparput.
- Aamma uagut atassuteqartaratta Danmarkimut meeraallutali. Tikeqqaartaleratsigu eqqissisimanarlunilu nuannersuugami, Dorthe Petersen.