ASSIT Pinerliiniartoqarnerani toqutaasut Odensemi eqqaaniarneqarput

Pinerliiniartoqarnerani toqutaasut 55-inik ukiulik Finn Nørgaard aamma 37-nik ukiulik Dan Uzan Danmarkimi illoqarfinni arlalinni ippassaaq ataasinngornermi unnukkut eqqaaniarneqarput. KNR.gl Odensemi malinnaavoq.
Assi © : KNR/Simon Uldum
Assi © : KNR/Simon Uldum
Assi © : KNR/Simon Uldum
Assi © : KNR/Simon Uldum
Assi © : KNR/Simon Uldum
Assi © : KNR/Simon Uldum
Assi © : KNR/Simon Uldum
Assi © : KNR/Simon Uldum
Assi © : KNR/Simon Uldum
Assi © : KNR/Simon Uldum
Allattoq Simon Uldum -
februaarip 17-at 2015 04:14

Københavnimi pinerliiniartoqarnerani toqutaasut eqqaaniarniarlugit Inuppassuit Odensemi Banegårdspladsenimi ataasinngormat unnukkut nalunaaqutaq arfineq-pingasunut katersuupput. Inuit hunnorujulippassuit naneruarlutik Odensep illoqarfiatigut ingerlaaqatigiipput. Ikinnerpaamik 2500-t peqataapput.


Naneruarluni ingerlaaqatigiinneq Fyns Stiftstidendep silataani aallartippoq, Kongens Have aqqusaarsinnarlugu Odensep iloqarfiata qeqqatigut Flakhavenimut.

AAMMA ATUARUK Toqutaasut Danmarkimi eqqaaniarneqassapput

Eqqumiitsuliortoq Odensemiu Jens Galschiøt aamma Odensemi borgmesteri Anker Boye oqalugiarput, borgmesterillu inuit taama amerlatigisut ataatsimoornertik takutinniarlugu katersuunnerat tulluusimaarutigalugu oqaatigaa.


- Taama amerlatigaluta maani katersuunnitsigut inuiaqatigiit ammasumik ingerlatsinissamut oqartussaaqatigiinnissamullu kiffaanngissuseqartut illersornissaat takutipparput. Uaguussusitta attatiinnarnissaanut kiffaanngissuserput illersussavarput, Anker Boye ilaatigut taama oqarpoq.


Eqqaaniaaneq Odense byrådimi partiinit partiillu inuusuttortaannit aaqqissuunneqarpoq.

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq