Danmarkimi oqalutsit oqiliallapput
Siunnersuut piviusunngortinneqarsimagaluaruni ajortorujussuarnik kinguneqarsimassagaluartoq, nutserisutut suliaqartoq Louise Mattaaq Kristiansen naliliivoq.
- Amerlasuut ineqarnatillu aalajangersimasumik suliffeqanngillat aamma ilinniakkamik maani atorneqarsinnaasumik peqanngikkajuttuupput. Taamaattumik kialuuniit tamakkununnga attuumassutilinnik ilisimasaqalaartup nalunngilaa siunnersuut qanoq kinguneqarsimassangaluartoq. Qanormi isillutik akilissangaluaramikku? Louise Mattaaq aperaaq.
Oqalutsinut akiliisarneq atuutsinneqalersimassangaluarpat kingunerisinnaasai pillugit Louise Mattaaq Kristiansen ima oqarpoq.
- Inuit taakku eqqartorneqartut kukkusumik katsorsarneqassanngikkunik pinngitsuunngivillutik oqalutseqartariaqarput, taamaanngippat paatsoornerujussuarmik imaannaanngitsumik pisoqassammat. Taamaattoqaraluarpat suliassaq akisoorujussuanngussagami, Louise Mattaaq oqarpoq.
Louise Mattaaq Kristiasen Københavnimi eqqaanilu najugaqartunut qulinut oqalutsitut suliaqarpoq.
- Taamaattumik nuannaangaarpunga nakorsiarnissartik namminneq akilertariaarummassuk, Louise Mattaaq oqarpoq.