Politikki

Danmarkimi ministerinngortut saqqummiunneqartut

Danmarkimi partiit pingasut naalakkersuisooqatigiilernerat ministeriunerup Lars Løkke Rasmussenip dronning Margrethemut Amalienborgimi - Danmarkimi nalunaaqutaq aqqaninngortoq - saqqummiuppai.
Assi © : Jens Astrup/Flickr Creative Commons
Allattoq Karsten Sommer
novembarip 28-at 2016 06:57
Nutserisoq Simon Uldum -

Danmarkimi naalakkersuisunngortut tassaapput ministerit 22-t, angutit 13-it arnallu qulingiluat, taakkulu partiinit Venstremit, Liberal Alliancemit aamma De Konservatineersuupput.

Lars Løkke Rasmussen ministeriunertut ingerlaannassaaq, Liberal Alliancemi siulittaasoq Anders Samuelsen nunanut allanut tunngasunut ministerinngorpoq De Konservativellu siulittaasuat Søren Pape Poulsen inatsisinik atortitsinermut ministerinngorluni.

Maannamut nunanut allanut tunngasunut ministeriusoq, Nunatsinnut tikeraaqqammersoq, Kristian Jensen, aningaasaqarnermut ministerinngorpoq Claus Hjort Frederiksenilu illersornissamut ministerinngorluni. Taassuma taamaalilluni Pituffimmi sakkutooqarfimmi USA-mut tunngatillugu ajornartorsiutaasut, Camp Century aamma Kangilinnguit isumagisussanngorpai.

Ministeriujunnaartut sisamaapput, taakkununnga ilaalluni maannamut illersornissamut ministeriusoq Peter Christensen, kiisalu ministerini tamani milittagaqarnerpaasoq ullunilu 7906-ersuarni ministeriusimasoq Berthel Haarder.

 

Danmarkimi ministerit nutaat:
Ministeriuneq Lars Løkke Rasmussen (V)
Nunanut allanut tunngasunut ministeri Anders Samuelsen (LA)
Inatsisinik atortitsinermut ministeri Søren Pape Poulsen (K)
Aningaasaqarnermut ministeri Kristian Jensen (V)
Illersornissamut ministeri Claus Hjort Frederiksen (V)
Inuussutissarsiornermut ministeri Brian Mikkelsen (K)
Aningaasaqarnikkut nunamilu namminermi pissutsinut ministeri Simon Emil Ammitzbøll (LA)
Ineriartortitsinikkut suleqatigiinnermut ministeri Ulla Tørnæs (V)
Suliffissaqartitsiniarnermut ministeri Troels Lund Poulsen (V)
Allaminut akuulersitsiniarnermullu ministeri Inger Støjberg (V)
Naligiissitaanermut nunanilu avannarlerni suleqatigiinnermut ministeri Karen Ellemann (V)
Ilinniartitaanermut ilisimatusarnermullu ministeri Søren Pind (V)
Nukissiuuteqarnermut, pilersuinermut silallu pissusia pillugu ministeri Lars Christian Lilleholt (V)
Peqqissutsimut ministeri Ellen Trane Nørby (V)
Pisortani nutaaliornermut ministeri Sophie Løhde (V)
Akileraartarnermut ministeri Karsten Lauritzen (V)
Avatangiisinut inuussutissanullu ministeri Esben Lunde Larsen (V)
Meeqqanut isumaginninnermullu ministeri Mai Mercado (K)
Ilinniartitaanermut ministeri Merete Riisager (LA)
Kultureqarnermut ilageeqarnermullu ministeri Mette Bock (LA)
Assartuussinermut, illuutinut ineqarnermullu ministeri Ole Birk Olesen (LA)
Utoqqarnik sullissinermut ministeri Thyra Frank (LA)

Aamma atuaruk

Politikki

Piniartut nalunaaquttap allanngortinnera pillugu isummersortut

Qupanuk Olsen: Nalunaaqutaq ullormut malinnaalerseqqissavarput

Atassut: Naalakkersuisooqatigiit akileraarutinik oqilisaassinerat qineqqusaarutaavoq