Danmarkimi kalaallit palasissaannik atorfinitsitsinissaq Aarhus Stiftip misileqqilerpaa
Atorfinitsitsinermut piumasaqaatit allanngorlugit, Aarhusimi biskoppi, kalaallinut Danmarkimi najugalinnut maanna palasissarsioqqippoq. Piumasaqaatit allanngortut ilagaat, palasi Danmarkimi atorfinitsinneqartoq kaalaallisut oqalussinnaasariaqartoq.
Palasissarsiorluni allagarsiinermi allassimanngilaq, palasi inissaqartinneqassasoq - tassalu tamannarpiaavoq palasissarsiornermi siullermi isornartorsiorneqarnerpaanut ilaasoq, ilaatigut Danamrkimi kalaallit peqatigiiffiisa kattuffiannit, INUIT-mit.
Danmarkimi kalaallinut najugalinnut palasimik atorfinitsitsiniarnermi siullermi ajornartorsiutaasut pillugit, folketingimi ilaasortap, Doris Jakobsenip Qallunaat Ilageeqarnermut ministeriat, Manu Sareen aggustimi ataatsimeeqatigaa. Manu Sareenillu taamani neriorsuutigaa, palasissaq tulleq atorfinitsinneqalerpat, taassuma suminngaanneersuunera naapertorlugu aaqqiisoqarumaartoq.
Palasissarsiornermi allagartaliussaq tamanut sqqummiunneqarpoq oktobarip aallaqqaataanni, atorfimmullu qinnuteqarniaraanni tamanna pissaaq oktobarip 28-at nallertinnagu.
