Danmarkimi inuk alla coronaviruseqarsorineqartoq aamma misissorneqalersoq
Hvidovrep napparsimmaviani attaveqaqatigiinnermut pisortaq, Hanne Ida Alsbirk taama paasissutissiivoq.
Taassuma oqarnera naapertorlugu misissorneqartut marluk imminnut atassuteqanngillat.
Attaveqaqatigiinnermut pisortaq misissorneqartup aappaa pillugu paasissutissat inuup paasissutissaataanut mianerisassanut tunngammata oqaaseqarsinnaanngilaq.
AAMMA ATUARUK Kiinamiu Hvidovre Hospitalimi mattunneqarallartoq
Kinamioq arnaq tallimanngornermi siusinnerusukkut mattunneqartoq Københavnip Mittarfissuanut kinamiut timmisartuutileqatigiiffianit Sichuan Airlinesimit timmisartumut ilaalluni tikittuuvoq.
Arnaq tikikkami peqqiilliorluni mittarfimmi sulisunut oqaluttuarpoq. Tamatumalu kingorna ambulancenit aaneqarluni Hvidovremi napparsimmaviliaanneqarpoq.
Hvidovremi napparsimmaviup oqarnera naapertorlugu coronaviruseqartutut pasitsaassaqarnermit akunnialuit qaangiunnerani aatsaat tamanna eqqortuunersoq paasineqarsinnaavoq.
/ritzau/