Kiinamiu Hvidovre Hospitalimi mattunneqarallartoq

Kinamiu arnaq nualluummik nappaateqartutut takussutissaqarmat Københavnip mittarfissuanut ambulancenit aaneqarpoq.

Tamannna Københavnip mittarfissuata tusagassiinermut pisortaanit, Kenni Lethimit, uppernarsarneqarpoq.

Nualluummik nappaateqartutut takussutissaqaraanni nappaammik coronavirusimik Kinaminngaanneersumik tunillatsissimanermut ersiutaasinnavoq.

Arnaq Kinamiu Københavnimi mittarfimmiinnini tamaat tunillatsinnginnissamut assiaquteqarsimasoq, tusagassiinermut pisortap oqaluttuaraa.

Arnaq taanna nualluummik ersiuteqarmat, mittarfiup taama pisoqartillugu pisortanik isumaqatigiissuteqarnera naapertorlugu, Københavnemi upalungaarsimanermut suliaqartunut attaveqarpoq.

Arnaq Kinamiu Hvidovre Hospitaliliaanneqartoq, Hvidovre Hospitalimi tusagassiinermik suleqataasoq, Malene Markussen taama uppernarsaavoq.

Arnaq taanna inimut nalinginnarmik iserfigineqaqqusaanngitsumut inissinneqarpoq,

nualluummik coronavirusimik tunilllatsissimanissaanik pasitsaassisoqarmat, Malene Markussen taama allappoq.