Danmarkimi inuit sunniutillit allattorsimaffianni atit ilisarnartut
Nutaatut ilanngunneqartut ilagaat Air Greenlandip siulersuisuini siulittaasoq Julia Pars, Nunatta EU-mi aallartitaqarfiani pisortaq Lida Skifte Lennert, Nunatta Københavnimi aallartitaqarfiani pisortaq Tove Søvndal Pedersen aamma KANUKOKA-mi pisortaq Martha Labansen.
Angutini ilanngunneqartut tassaapput Naalakkersuisunut ilaasortaq Kim Kielsen, naalakkersuisoqarfimmi pisortaq Bent N.A. Sørensen, Tele Greenlandimi pisortaq Brian Buus Pedersen aamma politimesteri Steen Silberg Thomsen.
Atuagaaraq "Kraks blå bog" maanna ukiuni 100-ni saqqummersinneqartareerpoq. Tassanilu ilannguneqaraanni toqunissaq tikillugu ilaanissaq naatsorsuutigineqarsinnaavoq. Naalagaaffeqatigiinni inuit pingaarutillit maanna 8.127-t paasisassarsiorfigineqarsinnaapput.