Danmarkimi ilinniagaqartunut Nunatsinni suliffissanik saqqummiineq

- Nammineq aamma akisussaaffeqarama inuiaqatinnut, Kalaallit Nunaannullu. Uanga pisinnaatitaaffeqarpunga akisussaaffeqarlungalu. Taakku pisinnaatitaaffikka atorlugit Nunarput ikiorusuppara. Ivalu Nørreslet, perorsaaneq tarnillu pissusaa pillugit GU-mi ilinniartitsisutut Danmarkimi ilinniareersimalluni, suliniarluni Nunatsinnut ilaquttanilu utersimasoq, taama oqarpoq.

Ivalutullu ittut Nunatta ineriartussaguni pisariaqartippai. Inuusuttulli ilinniarsimasut Nunatsinni utertartut ikippallaarput. Kalaallit Danmarkimi ilinnialersartut affaanit amerlanerusut utinngitsuuinnartarput.

Ilinniartullu suliffissat pillugit saqqumiinermi  najuuttut aperigaanni, utinngitsortut  assigiinngitsunik peqquteqartarput:
- Ilinniareerluni uterluni Nunatsinni sulinissaq, Nunatsinnut pingaaaruteqartoq takusinnaavara. Kisianni maannakkorpiaq uterusunngilanga. Nunatsinni susassakinappallaaqaaq, ataaseq oqarpoq.

-  Assigiingitsorpassuit naaggaartitsipput. Sorparujussuupput, Peqqinnissaqarfit assersuutissaavoq. Uagut isumaqarpugut, peqqinissaqarfik uteqqinnginnissatsinnut pingaaruteqartorujussuusoq, alla oqarpoq.

-  Eqqarsarpunga, inuiaqatigiinni ingerlarsortoqarnerusinnaasoq ineriartortoqarnerullunilu. Politikkikkut paatsiveerusimartoqarpallaarani, Danmarkimiinnermimi, tamakkuunerusut tusartaratsigit aamma alla oqarpoq.

Ivalu Nørreslettili isuamqarpoq, kalallit ilinniagaqartut Danmarkimiittut arajutsisartagaat tassaasut, periarfissat inuiaqatigiit kalaallit tunnissinnaasaat.

- Assigiinngitsorpassuarnik suliassanik tunisittarpunga, taamaammat aamma peroriartorneq, udvikling, pisinnaatitaafiit arlaliupput. Kalaallit Nunaanni suliassaqartorujussuuvoq taamaammat aamma sulisariaqarpunga. Ivalu Nørreslettilli aamma erseqqissarpaa, Kalaallit Nunaannut uterneq iluatsissappat, uummat aamma ilaasariaqarmat.

- Nammineq piumassavaat, nammineq piumaguniuk suliassaq aamma nuannernerussagami, Ivalu Nørreslet KNR-imut oqarpoq.