Danmarkimi coronavirusimik toqquteqartut maanna 24-usut

Danmarkimi coronavirusimik toqquteqartut 24-usut naatsorsuinerup nutaap ataasinngornermi takutippaa.

Kisitsisit kingulliit sapaatip-akunnerata naaneraneersut inuit 13-it coronavirusimik toqquteqartut takutinnikuuaat, Statens Serum Institutilli kisitsisinik nalunaarsuisup nalunaarsueriaatsini allanngortippaa.

Taamaammat kisitsisit sanilliunneqarsinnaanersut nalunarpoq.

AAMMA ATUARUK Danskit coronaviruseqarlutik napparsimmavimmiittut 186-iupput – 37-llu peruluttut inaanniillutik

Covid-19-imik tunillatsillutik napparsimasimasut ullullu 60-it qaangiutsinnagit toqusut coronavirusimik toqquteqartutut suli nalunaarsorneqarput.

- Toqusut amerlassusaannik nalunaarsuineq CPR-imik nalunaarsuinermik tunngaveqarsimagaluarpoq. Kisitsisit taakku marsip 23-annit toqqutigisap nalunaarsornerannik aallaaveqalissapput, Napparsimasut isumannaatsuunissaat pillugu aqutsisoqarfik nittartakkamini allappoq.

- Taanna CPR-imi kinguartoortoqanngikkaangat nutarterneqartarpoq. Taamaammat sapaatip akunnerata naaneranit toqqutigineqartoq aallaavigalugu nalunaarsuisarnermut allannguisoqarpoq.

/ritzau/