Danmark-imi kalaallit ilagiit palaseqalerput

Palaseqarfimmi Aarhus Stift-imi biskop-i Kjeld Holm palasimik kalaallimik atorfinititseqqammerpoq taassuma kalaallinut Danmark-imiittunut palasiussaaq.

Danmark-imi kalaallit palasiattut sulilissaaq Juaanna Platou taanna ukiuni arlaqartuni Qaanaami sulivoq.   Juaanna Platou Aarhus-imi Vor Frue Sogn-imi aggutsip aallaqqaataani sulilissaaq, Aarhus Stift-imi allaffimmi pisortaq Jette Madsen nalunaarpoq.

Juaana Platou-ip atorfinitsinneqarnera pillug kalaallit Danmark-imiittut peqatigiiffiisa Kattuffiat INUIT taamatullu domsprovsten ilisimatinnqarput.

Namminersorlutik Oqartussanit palasitut Danmark-imi atorfeqartinneqartoq,  palasi Jens Kristian Kleist kalaallinut namminneq aalajangikkaminnik Danmark-imi najugaqartunut naaligartitsisarnera siorna aasakkut unitsinneqarpoq.

 Tassalu taakkua ukioq ataaseq sinnerlugu kalaallit oqaasii atorlugit kuisitsisinnaasimanngillat apersortitsisinnaanatik  katissinnaanatik ilisisoqarsinnaasimananilu.

Ifølge kontorchefen vil Aarhus Stift, efter at Juanna Platou er kommet i gang med embedet,

Aarhus Stift-imi allaffimmi pisortaq Jette Madsen  oqarpoq, Juaanna Platou atorfittaamini sulilereersoq,  maanna Danmark-imi palasit marluusut siunissami qanoq

suleqatigiissinnaanerat pillugu kalaallit biskop-iannik oqaloqateqarniarput.