Danmark Frankrigilu VM-imi semifinalimi unammisussanngortut

Frankrigimi nunarsuarmi pissartanngorniunnerni kingullerni sisamani pissartanngortarsimavoq, unamminissallu ajornakusoorsinnaanissaa, nunanut allanut unammisartut sungiusaasuata Nikolaj Jakobsenip qularutiginngilaa.

Danmarkip arsartartuini nuiamanerit ilaat Mikkel Hansen, Frankrigimi arsartartoqatigiit annerit ilaanni Paris St. Germainimi ulluinnarni arsartartuuvoq, Frankrigillu nunanut allanut unammisartui ilisimalluarlugit:

AAMMA ATUARUK Danmark periarfissarissaarpoq

- Arsartartunik pikkorissunik ulikkaarput. Amerlasuut VM-ertoqarnerani takutitsilluarput, taarseraallutik unammilluaqattaarput, Mikkel Hansen oqarpoq.

Danmarkip Frankrigimut unamminissaa isiginnaarusukkukku KNR2-kkut isiginnaarsinnaassavat. Semifinalertoqarnissaami TV2-p toqqaannartumik aallakaatissavaa, aallakaatitsinerlu ulloqeqqanut aallartissaaq, unamminerlu marlunut qiteqquppat aallartissalluni.