Minik Dahl Høegh: Danmark periarfissarissaarpoq

Assammik arsaannermi Danmarkimi Tysklandimilu ingerlanneqartussami nunarsuarmi pissartanngorniuunnermi kikkut semifinalimut ingerlaqqissanersut pingasunngornermi paasinarsissaaq.
Assi © : Ajax København
Allattoq Jonas Fievé
januaarip 23-at 2019 08:57
Nutserisoq Connie Fontain

Frankrig Tysklandilu semifinalernissamut pereereersut puljep aappaani pissanganarnerulaarpoq tassami Sverigep, Norgep Danmarkillu semifinalimi inissat marluk unammissutigissavaat.

Kalaallip assammik arsartartup, Minik Dahl Høeghip oqarnera naapertorlugu Danmarkip nunamini unamminikkut tatisimaneqartutut misiginngisinnaanertik unnummut uppernarsisissavaa.

- Danmark periarfissagissaarpoq, tassami naligiinnermi semifinalemut anngussinnaavoq, aamma ajuunnernik sisamanik siuaqqaffigineqaraluaruni. Aammattaaq 27-nik amerlanerusunik isertitsigunik tallimanilluunniit isertitsiffigineqaraluarlutik periarfissaqarput. Amerlanerusunilli iseertitsiffigineqarunik taavalu Norge Ungarnimut ajugaappat, Danmark anngutinngitsuussaaq, Minik Dahl Høegh oqarpoq.

Danmarkip Sverigellu unamminerat KNR2-kkut nalunaaqutaq 16.00 isiginnaarneqarsinnaavoq.

 

 


Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq