Danmark assammik arsaannermi VM-imi pissartanngorpoq
Danmarkip assammik arsartartui perngaammik nunarsuarmi pissartanngorpoq.
Danmarkimi angutit assammik arsarlutik unammisartui nunamini Herningimi unamineranni Danmark 31-raartoq Norge 22-raarpoq.
Unamminermi minutsit siulliit arfineq-marluk naligiiffiupput, unammisut paarlakaallutik isertitsisaqattaarmata 4-4-mik naligiittoqarpoq.
Danskilli angutitaat siuarput, unamminerullu immikkoortuani siullermi 18-eraaramik Norge aqqanileraartoq.
Unamminerup naammassinerani tassa Danmarki aqqanilinnik siuaqqalluni nunarsuarmi pissartanngorpoq.