Daniel pillugu saaffiginnissutit piniarlugit politiit ajornartorsiorput
Daniel pillugu innuttaasut telefonikkut ikiuigasuartarfimmut Region Hovedstadenimiittumut saaffiginnissutaasa immiunneqarnerat piniarlugit politiit Region Hovedstadimut saaffiginissimagaluarput, tamannali inatsisitigut maanna aporaaffiulerpoq.
Aamma atuaruk Pisortaq: Danielimut tunngatillugu 'inuiaassuseq aallaavigalugu pingaarnersiuisoqartarsimarpasippoq'
Telefonikkut saaffinissutit immiunneqarnerisa politiinut tunniunneqarsinnaanerinut politiit eqqartuussivimmit akuerineqarput tassani eqqartuussivinni inatsisit atuuttut innersuussutigineqarlutik.
Telefonikkut oqaloqatigiinnerit immiunneqartut pineqartut tassaapput, innuttaasut ikiuiagasuartarfimmut ikiorneqarnissamik saaffiginnissutaat, angutip toqungasup qimuttuitsut unittarfiata eqqaaniittup ikiorneqarnissaanik saaffiginnissutit.
Aamma atuaruk Angerlarsimaffeqanngitsup toqunerata kingorna piareersimasuutitat isornartorsiorneqartut
Ikiuigasuartarfimmi sulisut telefonikkut saaffiginnissutinik tigusisartut, politiinut maanna nalunaarutigineqarput, sulinerminnut atatillugu pisussaaffimminnik sakkortuumik sumiginnaasimasutut, aviisi politiken taama allaaserisaqarpoq.
Pisortat akornanni aporaattoqalerpoq, tassalu politiit aamma ikiuigasuartarfimmi sulisut akornanni aporaassutaasoq tassaavoq, peqqissutsimut inatsit qanoq atorneqarsinnnaanersoq, tassalu inuit ataasiakkaat pillugit paasissutissanik tunniussisoqarsinnaanersoq apeqqutinngortinneqarluni.
Aamma atuaruk Københavns Politi oqarasuaatikkut kalerrisaarummut tunngasumik sallusimallutik nassuerput
Politiit misissueqqissarnerat sapaatit akunneri arlaqanngitsut qaangiuppata naammassineqarnissaa natsorsuutigineqarpoq.