Pisortaq: Danielimut tunngatillugu 'inuiaassuseq aallaavigalugu pingaarnersiuisoqartarsimarpasippoq'
Kalaallit Illuutaata Københavnimiittup pisortaq isornartorsiorpaa, kalaaleq angerlarsimaffeqanngitsoq oktobarimi Københavnimi illoqannginnersat ilaanni toqusoq pillugu nipi immiussaq aatsaat saqqummiunneqarmat eqqortoq tusarliunneqarmat.
Allattoq Helle Nørrelund Sørensen
decembarip 23-at 2014 08:28
Nutserisoq Erna Lynge
KØBENHAVN: Tassanimi, pinartoqartillugu politiinut kalerriisarfimmi apeqqutigineqarpoq angut qallunaajunersoq kalaaliunersorluunniit. Tamanna politiit siusinnerusukkut eqqunngitsuunerarsimavaat.
- Eqqarsarpunga soorunami eqqumiilaartoq, nipi immiussaq aatsaat saqqummiunneqarmat, immikkut inuiaassuseq Amagerimi alianartumik pisoqarmat eqqaaneqarsimammat.
Kalaallit Illuutaanni Københavnimiittumi pisortaq Leise Johnsen taama oqarpoq, aviisip ullormut saqqummersartup politeeqarfimmi immiussaasimasoq saqqummersereeraalu. Immiussaq tassaavoq arnap oqarasuaamminiit sianernera kalaallimut angerlarsimaffeqanngitsumut Danialimut 32-nik ukiulimmut ikiortissarsiorluni.
Pinartoqartillugu kalerrisarfimmi angutip apeqqutigaa toqungasoq qallunaajunersoq kalaaliunersorluunniit.
Tamannali politiit maannamut ilumuunnginnerarsimavaat. Ammip qalipaataanik immikkoortitsinertut pasinarsinnaasoq, Leise Johnsen isumaqarpoq.
- Ima eqqarsartoqalersinnaavoq immikkut inuiaassuseq aallaavigalugu tulleriiaarisoqartartoq, qaqugukkut ikiuutissaagut, qaqugukkullu ikiuunnata, qaqugukkullu ikiortissat anngutissanersut. Tamannalu nuanniitsupilussuuvoq.
Københavnip politiivineersup politiinspektør Peter Dahlip kukkusoqarsimanera ajuusaarutigaa erseqqissarlugulu, pisumi kinaassuseq ilisimassallugu pisariaqarsimanngikkaluartoq. Tamannali ilisarnaatit pineqartillugit apeqqutigineqartartoq.
Leise Johnsenili isumaqarpoq kinaluunniit pineqaraluarpat ikiortissat takkukkasuartariaqartut.
- Isumaqarpunga ilinniartariaqaripput takkukkasuarneq iluaqutaasartoq, uanimi pisimasumi inuppassuarnut assorsuaq iluaqutaasimassagaluartoq. Pisorlu alianartoq pinngitsoorneqarsimasinnaagaluartoq.
Angut angerlarsimaffeqanngitsoq ikiortissat takkutinngitsut Amagerbro Statinimi toquvoq. Aqagu 33-iliilluni inuuissiortussaangaluarpoq.
- Eqqarsarpunga soorunami eqqumiilaartoq, nipi immiussaq aatsaat saqqummiunneqarmat, immikkut inuiaassuseq Amagerimi alianartumik pisoqarmat eqqaaneqarsimammat.
Kalaallit Illuutaanni Københavnimiittumi pisortaq Leise Johnsen taama oqarpoq, aviisip ullormut saqqummersartup politeeqarfimmi immiussaasimasoq saqqummersereeraalu. Immiussaq tassaavoq arnap oqarasuaamminiit sianernera kalaallimut angerlarsimaffeqanngitsumut Danialimut 32-nik ukiulimmut ikiortissarsiorluni.
Pinartoqartillugu kalerrisarfimmi angutip apeqqutigaa toqungasoq qallunaajunersoq kalaaliunersorluunniit.
Tamannali politiit maannamut ilumuunnginnerarsimavaat. Ammip qalipaataanik immikkoortitsinertut pasinarsinnaasoq, Leise Johnsen isumaqarpoq.
- Ima eqqarsartoqalersinnaavoq immikkut inuiaassuseq aallaavigalugu tulleriiaarisoqartartoq, qaqugukkut ikiuutissaagut, qaqugukkullu ikiuunnata, qaqugukkullu ikiortissat anngutissanersut. Tamannalu nuanniitsupilussuuvoq.
Københavnip politiivineersup politiinspektør Peter Dahlip kukkusoqarsimanera ajuusaarutigaa erseqqissarlugulu, pisumi kinaassuseq ilisimassallugu pisariaqarsimanngikkaluartoq. Tamannali ilisarnaatit pineqartillugit apeqqutigineqartartoq.
Leise Johnsenili isumaqarpoq kinaluunniit pineqaraluarpat ikiortissat takkukkasuartariaqartut.
- Isumaqarpunga ilinniartariaqaripput takkukkasuarneq iluaqutaasartoq, uanimi pisimasumi inuppassuarnut assorsuaq iluaqutaasimassagaluartoq. Pisorlu alianartoq pinngitsoorneqarsimasinnaagaluartoq.
Angut angerlarsimaffeqanngitsoq ikiortissat takkutinngitsut Amagerbro Statinimi toquvoq. Aqagu 33-iliilluni inuuissiortussaangaluarpoq.
